“Vepra Letrare 8” përmban katër poema satirike të Gjergj Fishtës në origjinal dhe të përshtatura nga autori, shoqëruar me një shkrim të gjatë për veprimtarinë e poetit të madh. Poemat janë: “Nakdomenicipedia”, “Metamorfoza,”, “Jus gentium” dhe “Dredhia e djallit”. Nakdomenicipedia i kushtohet Dom Ndoc Nikajt, romancierit të parë shqiptar njëkohësisht dhe historian. Duke iu drejtuar atij, Fishta satirizon problemet e mprehta të kohës. Metamorfoza është poema rreth së cilës janë thurur shpifjet ndaj poetit. Fishta është themelues i poezisë satirike shqiptare.
Libri me tregime humoristike “Kur isha ministër” është lënda e “Veprës Letrare 9”. Ajo i paraqet lexuesit këto tregime: Horoskopi opozitar, Urime nga shefi, Shoku Shaqir dhe Muho Teli, Kandidat për deputet, Vrasje e mbetur në tentative, Udhëtari gazmor, Ethet e raportit kaluan me sukses, Trimi, Projekt vendimi, Vjehrra, Për hiç gjë u prishëm me komshinjtë, Varianti më i keq i vetvrasjes, Kartolinat e shefit, Prova gjenerale, Kur isha ministër, Dedë Hunda, Me çfarë merret shoku Sadedin, Beqar se beqar, Gjumë me arsye, Romani për Skënderbeun, Hajredini në sferat e larta zyrtare. Aty gjenden gjithsej 21 tregime.